الزورات بلدنا الغالية

الزورات بلدنا الغالي
كلمات الشاعر / محمد الحسن نقد الله
ياسرب الدباس الماشي لي زوراتنا شيلى تحية
سلم للسواقي الرامية ضل الالفة والحنية
سلم للجروف لي طينا سلم لي بياض النية
سلم للخلاوي وشيخا لي ناسا نفوسا ابية
ناسا في الكرم والله زي حاتم قبايل طية
مفاي زولا بيقفل بابو كم للضيف بضحو ضحية
فرسان الكتال الدامي نارا في قلوبهم حية
اخوان البقول يامروة ناس الكي بطبقو الكية
ناس ماشين دروب اتبارك كرم فياض زوق واخوية
ولدو الزول وسمو مبارك كان زوراتي مية المية
فوق درب الجها كم شارك روحو الغالية فاتا هدية
للزورات وطنا الغالي فارسا ماهو داير دية
عشان ياناس نعز زوراتنا لابد من نصفي النية
نبدا من الاساس ياخوانا نكتل فوق دروبنا الحية
الزورات دي ياها بلدنا لابد نمشي بالاخوية
مافي وسط مافي جنوب ومافي شمال بلا جهوية
لابد الشباب تتكاتف لازم نمسح الامية
نمشي على الزراعة الحرة نحقق بيها كل امنية
نمشي على الجوامع الفاضية افضل سكة هي الدعوية
لا وين يا اخ تسوقنا دروبا بي ابليس دوام محمية
لابد للكبار يهتمو عشان الكل يصفو النية
بمشروع يدفق خيرو لافي سياسة لا جدلية
الزورات وطنا وطنا ليهو نرفع الاغنية
ايين الجميع في ايدينا نرفع فوقا سويا سويا
الزورات بلدنا الغالي برسل ليها الف تحية
.
.

» الزورات حبيبتي
» مشاهد من الزورات
» شخصيات من الزورات
» رئيس الجمهورية من الزورات
» مرشح الزورات فى الانتخابات